Lífið er tónlist

Grover Washington Jr. ásamt Bill Withers-Just the Two of Us Það...

Fri, 13 Jul 2012 01:07:51 +0100

Grover Washington Jr. ásamt Bill Withers-Just the Two of Us

Það er allt gott við þetta lag. Bill Withers frábær eins og alltaf, geðveikar bassalínur, stáltrommusóló (ég veit ekkert hvað það heitir á íslensku), Grover á saxófóninum og grípandi viðlag. Ég held stundum að þetta sé besta lag í heiminum.

Ég kynntist þessu lagi fyrst þegar ég var að hlusta á lagið “Wreckonize” með hip-hop dúóinu Smif-n-Wessun þar sem þetta lag er samplað. Smif-n-Wessun eru ekki þeir einu sem hafa samplað þetta lag því það var líka samplað í Will Smith lagi sem heitir sama líka “Just the Two of Us” (og er mjög líkt upprunalega laginu) á fyrstu sólóplötunni sinni, Big Willy Style.

Ég hef ekkert meira að segja svo ég ætla bara að leyfa fólki að hlusta á þetta í friði frá kjaftæðinu í mér.

Bob Dylan - Mr. Tambourine Man Bob Dylan hljómar líklega betur...

Sun, 10 Jun 2012 02:10:00 +0100

Bob Dylan - Mr. Tambourine Man

Bob Dylan hljómar líklega betur um miðjar nætur.

Mr. Tambourine Man er af fimmtu plötu Dylan Bringing It All Back Home. Á A-hlið plötunnar heyrðust fyrstu tilraunir hans með rokk hljóminn sem átti eftir að einkenna næstu plötur hans. Á B-hliðinni lék hann hins vegar með mun hefðbundnari tónlist. Þar má finna lagið Mr. Tambourine Man.

Mr. Tambourine Man er í hópi þekktustu laga Dylan. Í því leikur Dylan, líkt og vanalega, á gítar og munnhörpu ásamt því að syngja. Með honum leikur Bruce Langhorne melódíu á gítar. Melódían sem Langhorne leikur myndar gullfallegt mótvægi við melódíuna í söng Dylan.

Sá þáttur lagsins sem er hvað áhugaverðastur er textinn. Textinn er einkar dáleiðandi. Dylan syngur um mann sem biður tambúrínuleikara um að leika fyrir sig lag. Svo lýsir hann ýmsum tilfinningum og sjónum sem lagið virðist vekja upp hjá honum.

Margir telja lagið fjalla um eiturlyf en það skiptir litlu máli fyrir mig. Lagið er nefnilega dáleiðandi. Það lætur tímann standa í stað. Ég held að Dylan hafi sjálfur sagt að það ætti að vera markmið allra lista. Ég held að það sé það sem skiptir öllu.

Nas-The World is Yours Í apríl árið 1994 gaf rapparinn Nas út...

Sat, 12 May 2012 03:00:29 +0100

Nas-The World is Yours

Í apríl árið 1994 gaf rapparinn Nas út sína fyrstu plötu, Illmatic. Eins og nafnið bendir til þá er platan illuð.

Platan var ein af þeim plötum sem áttu þátt í hinni svokölluðu endurreisn austurstrandar hip-hopsins ásamt öðrum meistaraverkum, m.a. Enter the Wu-Tang (36 Chambers) með Wu-Tang og Ready to Die með Biggie Smalls. Platan markaði líka upphaf ferils Nas sem varð mjög farsæll.

Illmatic er ein af þeim dýpstu hip-hop plötum sem voru gefnar út á tíunda áratugnum. Nas segir alveg umbúðalaust frá lífi fólks í New York tíunda áratugarins og þá er ég ekki að tala um Times Square. Ég er að tala um Queens, ég er að tala um Brooklyn, ég er að tala um þá New York sem Nas þekkti og hún er ekki alltaf falleg. Nas sýnir líka ótrúlega hæfileika sýna til að beygja málið að sínu flæði og notar orðaleiki sem aðra myndi ekki einu sinni dreyma um að geta notað.

Pródúsjónin á plötunni er líka frábær. Margir af flottustu pródúserum New York borgar áttu lög á plötunni, þar á meðal DJ Premier, Pete Rock, Large Professor og meira að segja átti Q-Tip, sá mikli meistari úr A Tribe Called Quest, eitt lag. Öll lögin eru í sama dimma þemanu sem einkennir plötuna og passa fullkomlega við rímur Nas.

Á Illmatic sýndi Nas allar sýnar bestu hliðar. Raunar sýnir hann svo vel getu sína að honum hefur aldrei tekist að gera neitt sem jafnast á við Illmatic. Þó er ljóst að Nas er einhver sá allra færasti rapparinn í bransanum enn þann dag í dag.

"If none of Dr. Dre’s people reach out to the G.F.F.’s DaM-FunK to contribute to “Detox” then, it..."

Thu, 26 Apr 2012 20:02:00 +0100

“If none of Dr. Dre’s people reach out to the G.F.F.’s DaM-FunK to contribute to “Detox” then, it WILL NEVER BE be a ‘true’ representation of ‘Los Angeles’. Period.”

- gff

Miles Davis-Time After Time Miles, Miles, Miles, alltaf tekst...

Thu, 12 Apr 2012 21:51:21 +0100

Miles Davis-Time After Time

Miles, Miles, Miles, alltaf tekst honum að fokka manni upp.

Miles Davis er einn af langþekktustu jazz-tónlistarmönnum sögunnar. Hann var alveg óhræddur við að fara sínar eigin leiðir í tónlistarsköpun. Hann var einn af helstu frumkvöðlum hinna ýmsu stefna í jazzinum, m.a. jazz-rokksins og hinum svokallaða modal-jazz, það er að segja jazz þar sem spuninn var byggður á tónstigum í stað hljóma. Það má heyra gott dæmi um jazz-rokk hér.

Miles hætti að spila tónlist árið 1975 til að komast upp úr kókaínfíkn sinni og slaka á. Hann sneri aftur árið 1981, þá laus við kókaínið og tilbúinn að búa til tónlist aftur. Miles fór þá að blanda saman jazz og vinsællri tónlist þeirra tíma. Á plötunni You’re Under Arrest gekk hann hvað lengst. Á henni má heyra hann spila vinsæl popplög m.a. Michael Jackson slagarann ‘Human Nature’ og lagið sem við heyrum hér, ‘Time After Time’, sem Cyndi Lauper söng upphaflega. Ólíkt mörgum þykir mér platan fáránlega góð. Sérstaklega þykir mér ‘Time After Time’ gott og það er engin furða að það hann hafi spilað það á nær öllum sínum tónleikum á sínum síðustu árum.

Danny Brown-Fields Hér lag af seinni hluta plötunnar sem er mun...

Mon, 26 Mar 2012 22:30:50 +0100

Danny Brown-Fields

Hér lag af seinni hluta plötunnar sem er mun rólegari og eðlilegari. Engu að síður er hann mjög ferskur.

Danny Brown-Outer Space Klikkaður skítur, beint frá...

Mon, 26 Mar 2012 22:24:27 +0100

Danny Brown-Outer Space

Klikkaður skítur, beint frá Detroit.

Rapparinn Danny Brown gaf út aðra plötu sína XXX á síðasta ári. Platan er vægast sagt klikkuð, uppfull af brjáluðum rímum um einkar gróf málefni og brjálaðir taktar, í bókstaflegri merkingu orðsins.

Ýmislegt er áhugavert við Danny Brown, hann hræðist ekki að klæðast þröngum gallabuxum og er með últra klikkaða hárgreiðslu. Hann er líka 31. árs sem er nokkuð gamalt miðað við að hann vakti fyrst virkilega athygli á síðasta ári.

XXX er frábær. Fyrri tveir þriðjungarnir er einstaklega klikkaðir svo er síðasti þriðjungurinn mjög rólegur. Fyrri hlutinn er frábær en mjög ögrandi. Sá seinni er líka góður og mjög flottur og ferskur þrátt fyrir að hann sé frekar eðlilegur. Platan er ásamt Black Up með Shabazz Palaces besta hip-hop plata síðasta árs.

Sun Ra-Lanquidity Af öllu því fólki sem hefur lifað á jörðinni...

Sat, 24 Mar 2012 01:30:41 +0000

Sun Ra-Lanquidity

Af öllu því fólki sem hefur lifað á jörðinni komast fáir með tærnar þar sem Sun Ra hafði hælana þegar kemur að því að vera furðulegur. Furðuleiki var hans sérsvið.

Megnið af ævi hans vissi nánast enginn neitt um manninn. Hann hélt nánast öllum upplýsingum um æsku sína og ævi fyrir sjálfan sig, m.a. fæðingarnafni sínu og fæðingardegi. Hann sýndi ungur mikla hæfileika í tónlist og var farinn að semja sín eigin lög 12 ára gamall. Hann fór í háskóla en hætti eftir eitt ár. Síðar sagði hann að ein af helstu ástæðunum fyrir því að hann hætti var að honum hafi rænt af geimverum og fluttur til Satúrnusar. Þó hefur hann líka sagt að hinum hafi verið rænt á meðan hann bjó í Chicago. Þetta einkennir allt sem hann segir, hann virðist ekki einu sinni sjálfur vita nákvæmlega hvað hann meinar eða segir.

Sun Ra hóf sinn raunverulega tónlistarferil í Chicago. Þar spilaði hann jazz á einstaklega óhefðbundinn og “speisaðann” hátt. Þar mótaðist hljómsveitin hans sem hann kallaði The Arkestra. Hann flutti þau síðan til New York og þaðan síðar til Philadelphia. The Arkestra æfðu víst um tíu tíma á dag. Sun Ra svaf víst mjög lítið og sofnaði oft í miðjum æfingum. Meðlimir The Arkestra gátu samt ekki hvílt sig þegar hann sofnaði heldur urðu þau að vera tilbúin að byrja aftur að spila hvenær sem er því þegar hann vaknaði byrjaði hann nákvæmlega þar sem hann hafði stoppað áður. Það gat þess vegna verið inn í miðju lagi.

Þrátt fyrir allan þennan gríðarlega furðuleika og litla athygli almennings var Sun Ra án ef einn af allra mikilvægustu tónlistarmönnum 21. aldarinnar. Sömuleiðis hafði geimheimspeki hans mikil áhrif sem má líklega sjá hvað sterkust hjá George Clinton og Parliament-Funkadelic.

Chet Baker-Round Midnight Fátt eða jafnvel ekkert hefur eins...

Wed, 21 Mar 2012 21:04:16 +0000

Chet Baker-Round Midnight

Fátt eða jafnvel ekkert hefur eins róandi áhrif á mig og Chet Baker. Sama hvort hann er að blása í trompetinn á sinn einstaka hátt eða syngja með sinni gullnu, mjúku rödd tekst honum alltaf að róa mig við nánast hvaða kringumstæður sem er.

Ég kynntist tónlistinni hans fyrst í sumar þegar ég fór föður mínum á flóamarkað Hamrahlíðarkórsins. Þar fann ég fjögurra diska safnplötu með hans elstu verkum. Ég hlustaði mikið á hana í sumar. Þegar það var komið haust enduruppgötvaði ég hann. Síðan þá hef ég ekki getað hætt að hlusta.

Hér leikur hann standardinn ‘Round Midnight með gítarleikaranum Jean-Paul Florens.

Kraftwerk-Klingklang Hér er gott dæmi um krautrock fyrir tíma...

Mon, 19 Mar 2012 14:18:00 +0000

Kraftwerk-Klingklang

Hér er gott dæmi um krautrock fyrir tíma hljóðgervlanna. Þetta er af annarri plötu Kraftwerk, Kraftwerk 2.

Neu!-See Land Núna undanfarið hef ég hlustað á lítið annað en...

Sun, 18 Mar 2012 16:30:53 +0000

Neu!-See Land

Núna undanfarið hef ég hlustað á lítið annað en en post-pönk og tilraunakennt rokk, aðallega krautrock. Ég hef alltaf verið mikill Kraftwerk maður en núna nýlega hef ég verið að hlusta á aðra krautrockara, aðallega Neu! samt.

Neu! var dúó skipað Klaus Dinger og Michael Rother. Þeir léku báðir með Kraftwerk á fyrstu plötu þeirra Kraftwerk. Dinger er trommari og Rother er gítarleikari. Eftir að hafa spilað með Kraftwerk án stofnmeðlimsins Ralf Hütter hættu Dinger og Rother í hljómsveitinni og stofnuðu Neu!. Eini meðlimur Kraftwerk var þá Florian Schneider en hann fékk Hütter til að byrja aftur og Kraftwerk hélt áfram.

Neu! gáfu út fyrstu plötu sína, Neu!, árið 1971. Platan var mjög vélræn og pönkuð og þó hún hafi ekki selst mikið er hún talin ein af áhrfiamestu plötum sögunnar og hafði hún mikil áhrif á bæði pönk og raftónlist.

Lagið sem þið heyrið hér, ‘See Land’ er af þriðju plötu þeirra, Neu! ‘75. Á henni notuðu Neu! menn í fyrsta skipti hljóðgervla. Þeir einkenndu plötuna sem var eins og hinar plötur þeirra mjög vélræn og pönkuð.

Shabazz Palaces-Are you… Can You… Were you?...

Sun, 11 Mar 2012 12:58:26 +0000

Shabazz Palaces-Are you… Can You… Were you? (Felt)

Shabazz Palaces, svo ferskur hljómur að það er ekki hægt að elska þetta ekki.

Shabazz Palaces koma frá Seattle. Það er mjög lítið vitað um þá en fyrir útgáfu fyrstu plötu þeirra, Black Up, lak því út að aðalmaðurinn á bakvið Shabazz væri rapparinn Butterfly úr alt-hip-hop hljómsveitinni Digable Planets.

Shabazz eru að vinna í hljómi sem er nokkuð ríkjandi í ákveðnum geirum neðjanjarðar heimsins í dag. Þeir minna um margt á Odd Future en eru samt mun tilraunakenndari og að mínu mati miklu betri. Einnig má heyra mikil áhrif úr dubstepi og jafnvel væri hægt að tala um post-dubstep í þeirra tilfelli.

Shabazz eru á samning hjá einu þekktustu indí plötuútgáfu í heimi, Sub Pop í Seattle. Þetta er einmitt útgáfan sem gaf út fyrstu plötu Nirvana og eru Shabazz Palaces fyrsta hip-hop hljómsveitin sem þeir gefa út.

Kooley High-Ya Times up Ég hef verið að hlusta töluvert mikið á...

Wed, 07 Mar 2012 21:59:00 +0000

Kooley High-Ya Times up

Ég hef verið að hlusta töluvert mikið á nýlegt neðanjarðar hip-hop síðustu vikurnar. Hip-hop í dag virkilega ferskt og allur andskotinn er í gangi í hip-hop heiminum. Þess vegna hef ég ákveðið að helga næstu færslur mínar nýjum og ferskum straumum í hip-hop heiminum.

Kooley High er hip-hop hljómsveit frá Norður-Karólínu. Hún samanstendur af af 5 röppurum og plötusnúð. Þau hafa gefið út tvær plötur, Eastern Standards (2010) og Kooley High presents… David Johnson (2011). Báðar plöturnar hafa hlotið góða dóma og þeim hefur verið hrósað fyrir jazz- og sálarkennda takta, sem minna á þá tíma þegar hljómsveitir eins og A Tribe Called Quest og De La Soul réðu ríkjum í hip-hop heiminum, og einstaklega afslappaðar rímur. Þau hafa unnið með fjöldanum öllum af pródúserum úr neðanjarðar heiminum m.a. 9th Wonder og Dela.

Meðlimir Kooley High hafa einnig unnið að sólóverkefnum og konan í hópnum, Rapsody, er búin að skrifa undir samning hjá plötuútgáfu pródúsersins 9th Wonder, IWWMG. Plötur hennar Return of the B-Girl (2010) og Thank Her Now (2011) eru virkilega flottar.

The Smiths - Never Had No One Ever Um daginn rakst ég á The...

Mon, 27 Feb 2012 21:45:08 +0000

The Smiths - Never Had No One Ever

Um daginn rakst ég á The Queen is Dead á vínyl þegar ég var á rölti í Skífunni. Fyrir þá sá sem ekki vita er ég forfallinn vínylplötu aðdáandi og yfirlýstur crate digger. Þar sem platan er ein af mínum uppáhalds stóðst ég ekki mátið og keypti hana nokkrum dögum seinna. Afgreiðslumaðurinn var greinilega smekksmaður því hann hrósaði mér fyrir gott val og sagði þetta vera sína uppáhaldsplötu.

Undanfarna mánuði hef ég hlustað meira og meira á indírokk, jaðarrokk og pönk. The Smiths eru orðnir ein af mínum uppáhalds hljómsveitum. Það er eitthvað við þá. Seiðandi söngur Morrisey í bland við gítarriff Johnny Marr mynda með óaðfinannlegum hljóðfæraleik Andy Rourke og Mike Joyce yndislega tilfinningaríka og tónlist sem ég get ekki hætt að hlusta á.

Meira held ég að ég hafi ekki að segja.

Afrika Bambaataa-World Destruction feat. John Lydon Afrika...

Thu, 26 Jan 2012 21:59:02 +0000

Afrika Bambaataa-World Destruction feat. John Lydon

Afrika Bambaataa og John Lydon, áhugavert dúó.

John Lydon, einnig þekktur sem Johnny Rotten, er enskur pönkari. Hann varð fyrst þekktur fyrir söng sinn með hljómsveitinni Sex Pistols. Sex Pistols var ekki langlíf hljómsveit og eftir að líf hennar endaði stofnaði John post-pönk sveitina Public Image Ltd, PiL. PiL spila mjög framsækið pönk og hafa haft mikil áhrif á rokktónlistarstefnuna. Hann er rótækur anarkisti og er þekktur fyrir að mæta í viðtöl og drulla yfir allt og alla.

Afrika Bambaataa er mikill áhrifavaldur innan hip-hop hreyfingarinnar bæði sem tónlistarmaður og leiðtogi. Afrika var upphaflega meðlimur götugengis í New York en eftir ferð til Afríku breyttist hann. Hann byrjaði að halda partý, þar sem hann DJ-aði eins og DJ Kool Herc, til að fá reiða unglinga úr götugengjunum og gerast friðsamlegari. Í framhaldi af þessu stofnaði hann Universal Zulu Nation, samtök friðsamlegara hip-hoppara. Hann varð síðan þekktur fyrir verk sín með hinum ýmsu listamönnum sérstaklega rappgrúppunni Soul Sonic Force.

Lagið “World Destruction” varð til fyrir verkefni Afrika, Time Zone. Lagið varð langþekktasta Time Zone lagið.

Hvenær ætlar þú að pósta árganginum úr meistaramánuðinum?

Mon, 12 Dec 2011 21:40:40 +0000

Ég ætlaði alltaf að gera það en það er liðið svo langt síðan að ég nenni því ekki núna.

Miles Davis-Right Off Þetta finnst mér alveg sturlað. Platan A...

Fri, 09 Dec 2011 10:52:35 +0000

Miles Davis-Right Off

Þetta finnst mér alveg sturlað.

Platan A Tribute to Jack Johnson var samin sem sándtrakkið fyrir heimildamynd um boxarann Jack Johnson. Sagan bakvið tónlistina á plötunni er mjög áhugaverð.

Gítarleikarinn John McLaughlin var inni í stúdíói og beið eftir Miles. Hann byrjaði að impróvisera einhver riff á gítarinn og fljótlega hófu bassaleikarinn Michael Hnderson og trommarinn Billy Cobham að spila með honum. Herbie Hancock var átti leið í gegnum húsið og pródúserarnir tóku hann inn í stúdíóið og létu hann spila á orgel. Miles mætti síðan síðastur kom inn á 2:19.

Platan þykir ein albesta fusion plata sögunnar sem er hálf ótrúlegt í ljósi þess að hún hófst sem jam hjá félögum Miles í bandinu. En eins og ég sagði áðan þá er þetta sturlun, ekkert annað.

Jimi Hendrix-Little Wing Í dag á Jimi hendrix afmæli. Mér datt í...

Sun, 27 Nov 2011 16:20:00 +0000

Jimi Hendrix-Little Wing

Í dag á Jimi hendrix afmæli. Mér datt í hug að einhver hefði kannski áhuga á því.

Jeru The Damaja-Brooklyn Took It Jeru The Damaja er einhver sá...

Sun, 20 Nov 2011 12:32:01 +0000

Jeru The Damaja-Brooklyn Took It

Jeru The Damaja er einhver sá allra illaðasti rappari sem hefur nokkru sinni hefur tekið upp hljóðnemann.

Jeru var góður vinur félaganna úr Gang Starr, Guru og DJ Premier. Hann var hluti af Gang Starr Foundation, sem var hópur hip-hop tónlistarmanna frá austurströnd Bandaríkjanna sem Gang Starr leiddu.

Lagið “Brooklyn took it” er af fyrstu plötu Jeru, The Sun Rises in The East. Platan þykir ein mikilvægasta platan í upprisu austurstrandar hip-hopsins á miðjum tíunda áratuginum. Platan náði þó aldrei miklum vinsældum utan við neðanjarðarheim hip-hopsins.

Full Crate - Cherrie Hats feat. Chris Turner Ég veit voðalega...

Thu, 17 Nov 2011 07:25:31 +0000

Full Crate - Cherrie Hats feat. Chris Turner

Ég veit voðalega lítið um þetta lag annað það að mér finnst það gott. Ég held samt að Full Crate sé prodúser frá Hollandi. Gott stöff.